Zeneise da arente

Comme çercâ

O menù à tendiña o speçifica a lengua inta quæ çercâ; o campo de reçerca o l’attreuva e frase che contëgnan e poule indicæ, inte l’ordine speçificou. Pe-e prepoxiçioin articolæ, a reçerca a tëgne conto tanto da grafia comme de componente: con a casa se treuva «da casa» solo quande «da» o l’é de + a. A reçerca a respetta i confin de poule: con aggio se treuva «aggio», ma no «travaggio». I caratteri speçiali ? e * sostituiscian respettivamente un carattere e unna sequensa (veua ascì) de caratteri: con pont? s’attreuva «ponte» e «ponti», ma no «pontezzo»; con agg* s’attreuva «aggio» e «aggiutto», ma no «travaggio».

Impostaçioin

Tipologia de testo

Zeneise da arente o l’é un corpus de testi in zeneise d’ancheu missi da arente a-a seu traduçion italiaña. O permette de çercâ de poule e esprescioin in zeneise ò in italian, d’osservâne l’uso inte di testi de campi e autoî despægi e vedde, pe tutte e occorrense, a correspondensa inte l’atra lengua. Con un clic in sce unna poula se ne peu ammiâ o lemma, a categoria grammaticale e i træti morfològichi, e esplorâ a struttua scintattica da frase. L’analixi a va apreuvo a-o quaddro de Universal Dependencies (de Marneffe, Manning et al. 2021). E analixi linguistiche e i alliniamenti tra zeneise e italian en realizzæ con de proçedue semiautomatiche, sviluppæ à partî da-e linie guidda de Lusito & Maillard (2021). O corpus o l’é pensou pe ëse un strumento bon tanto pe-i reçercatoî, comme pe chi veu studiâ ò approfondî a seu conoscensa do zeneise.

Bibliografia

Euvie compreise into corpus

Impostaçioin

Vixualizzatô di documenti